13 мамырда Қарағанды облысының Достық үйінде Отбасы күні мен Аналар күніне арналған Ana FEST – шабыт пен қамқорлық мерекесі өтті. Іс-шараны өңірлік Қазақстан халқы Ассамблеясы жанындағы Аналар кеңесі ұйымдастырды.
Ana FEST фестивалі – жай ғана шара емес, аналарға, әйелдерге өздерін, отбасын және қоғамдағы ана ретіндегі рөлін жаңа қырынан тануға мүмкіндік берген ерекше күн болды. Фестиваль алаңы бірнеше белсенді аймақтарға бөлініп, әрбір қатысушы пайдалы ақпарат алып, құнды тәжірибе жинақтап, көтеріңкі көңіл-күйге бөленді.
Арнайы ұйымдастырылған көрмеде Қазақстан халқы Ассамблеясы жанындағы шебер әйелдердің былғарыдан, киізден, моншақтан жасалған бұйымдары, зергерлік әшекейлер, тұрмыстық заттар мен этностильдегі киімдері қойылды.
Сән көрсетілімінде өңірлік ҚХА шеберлері қолмен тіккен этностильдегі қазақи киімдерді және дәстүрлі ұлттық киімдегі арулар сахнаға шықты.
Іс-шарадағы концерттік бағдарлама барлық қатысушыларға қуаныш сыйлады.
Ana FEST аналарға деген шексіз алғыс пен терең құрметтің символына айналды.
