1. Жалпы ережелер
1.1. Осы Ереже «Вандализмге жол ЖОҚ!» тақырыбындағы әлеуметтік бейнероликтер байқауын (бұдан әрі — Байқау) ұйымдастыру және өткізу тәртібін айқындайды.
1.2. Ереже байқау өткізу тәртібі мен жеңімпаздарды іріктеу өлшем шарттарын белгілейді.
1.3. Байқауды ұйымдастырушы — Қарағанды облысының ішкі саясат басқармасының «Қоғамдық келісім» КММ (бұдан әрі — Ұйымдастырушы).
2. Байқаудың мақсаты мен міндеттері
2.1. Қоғамның вандализмнің зияны туралы санасын арттыру, вандализм әрекеттеріне теріс көзқарас қалыптастыру, жастардың қоғамдық кеңістікті қорғауға деген назарын аудару.
3. Байқауды ұйымдастыру
3.1. Байқауды жалпы басқаруды Ұйымдастырушы жүзеге асырады.
3.2. Ұйымдастырушы: • осы Ережені бекітеді; • қазылар алқасының құрамын қалыптастырып, бекітеді; • байқау рәсімдерінің барлығын өткізу және жеңімпаздарды марапаттау тәртібін айқындайды және қамтамасыз етеді; • байқау туралы хабарламаны www.kelisim.kz порталында және әлеуметтік желілерде жариялайды.
3.3. Ұйымдастырушы байқау жеңімпаздарын анықтау барысында қатысушылардан қосымша ақпарат сұратуға құқылы.
3.4. Байқау жеңімпазын қазылар алқасы анықтайды. Қорытынды қазылар алқасының хаттамасымен бекітіледі.
4. Байқауға қатысушылар
4.1. Байқауға әлеуметтік желі қолданушылары, блогерлер, мобилографтар қатыса алады.
5. Байқау өткізу тәртібі мен мерзімі
5.1. Байқауға мемлекеттік және орыс тілдерінде материалдар қабылданады.
5.2. Қатысушылар вандализмнің зиянын көрсететін тақырыптық әлеуметтік бейнероликтерді ұйымдастырушының электрондық поштасына bqyzmet@yandex.kz жібереді.
5.3. Алдын ала іріктеуден өткен бейнероликтер ұйымдастырушының әлеуметтік желідегі ресми парақшаларында жарияланады.
5.4. Алдын ала іріктеу нәтижесі бойынша вандализмнің алдын алу және қоғамдық кеңістікке ұқыпты қарау тақырыбындағы ең үздік бейнеролик анықталады.
6. Байқауға қатысу үшін:
6.1. Қатысушылар осы Ереженің қосымшасына сәйкес өтінім мен дайындалған бейнероликті 2025 жылғы 10 тамызға дейін bqyzmet@yandex.kz электронды поштасына жібереді.
6.2. Қабылдау мерзімі өткеннен кейін немесе байқау талаптарына сәйкес келмейтін өтінімдер қаралмайды.
6.3. Байқауға ұсынылған материалдар рецензияланбайды және қайтарылмайды.
6.4. Жеңімпаздарды марапаттау 2025 жылғы қыркүйек айына жоспарланған.
7. Байқау материалдарын бағалау өлшем шарттары:
7.1. Материалдың байқау тақырыбына, мақсаттары мен міндеттеріне сәйкестігі (вандализмнің алдын алу, азаматтық жауапкершілік пен қоғамдық кеңістікке ұқыпты қарау).
7.2. Тақырыптың толық әрі терең ашылуы — вандализм мәселесіне көзқарастың мазмұндылығы мен нақтылығы.
7.3. Автордың шығармашылық көзқарасы — материалды ұсынудағы ерекшелігі.
7.4. Ақпараттың өзектілігі, шынайылығы және объективтілігі – берген материал бойынша
7.5. Қоғамдық маңыздылығы — материалдың қоғамдық пікір мен мінез-құлыққа әсер ету қабілеті.
8. Өтінімді рәсімдеу талаптары 8.1. Әр қатысушы тек бір ғана өтінім бере алады (қосымшаға сәйкес).
8.2. Өтінімге мыналар қоса беріледі: — автор туралы қысқаша өмірбаяндық мәліметтер; — автордың 1 фотосуреті; — вандализмнің алдын алуға арналған бейнеролик.
8.3. Бір автор 3 материалдан артық жібермеуі тиіс. Қосымша «Вандализмге жол ЖОҚ!» әлеуметтік бейнероликтер байқауына қатысуға
Өтінім 1. Қатысушы туралы мәліметтер:
• Тегі, аты, әкесінің аты;
• Мекенжайы (облыс, елді мекен);
• Жұмыс орны, лауазымы, электронды поштасы;