2025 жылғы 23 мамырда Қарағанды облысында облыс әкімі Ермағанбет Бөлекпаевтың төрағалығымен «Бірлік пен келісім жолындағы 30 жыл» атты Қазақстан халқы Ассамблеясының өңірлік ХХVIII сессиясы өтті.
Сессия жұмысына Қарағанды облысының ҚХА мүшелері, ҚХА құрылымдарының басшылары мен өкілдері, этномәдени бірлестіктердің жетекшілері мен өкілдері, жоғары оқу орындарының ректорлары, ҚХА кафедраларының басшылары мен оқытушылары, облыстық мәслихат депутаттары, саяси партиялар, қоғам, БАҚ және жастар ұйымдарының өкілдері қатысты.
Сессияның күн тәртібінде 2025 жылғы 24 сәуірде өткен Қазақстан халқы Ассамблеясының XXXIV сессиясында Қазақстан Республикасы Президенті берген тапсырмалардың орындалу барысы қаралды.
Сессияны ашқан облыс әкімі ҚХА-ның ел бірлігін қамтамасыз етуде, мемлекет пен қоғам арасындағы сындарлы диалогты қалыптастыруда маңызды қоғамдық институт ретіндегі рөлін атап өтті.
Қазақстан халқы Ассамблеясының ардагері, кен өндіру өнеркәсібінің ардагері, Қарағанды облысының Құрметті азаматы Григорий Михайлович Презент сөз сөйлеп, бүгінгі күні Ассамблея – қоғамның әлеуметтік мәселелерін шешіп, қазақстандықтарды түрлі бағыттағы сұрақтарды бірлесіп шешуге жұмылдыратын құрылым екенін айтты. Сондай-ақ, жастарға еңбек адамына тән қасиеттерді тәрбиелеудің маңыздылығына тоқталды.Сессия барысында Қарағанды облысы Қазақстан халқы Ассамблеясы төрағасының қоғамдық орынбасарлары тағайындалды. Биыл бұл қызметке ҚХА Аналар кеңесінің төрайымы Айжан Казимирқызы Қиясова және Қарағанды облысы ҚХА мүшесі,облыстық Мәслихатының депутаты Игорь Васильевич Жабяк тағайындалды.
Сессия соңында Қарағанды облысының әкімі жаңа қазақстандық қоғамды құруға елеулі үлес қосып,облыстың қоғамдық саяси өміріне белсене атсалысқан өңірлік ҚХА мүшелерін марапаттады.Бұдан әрі Қазақстан халқы Ассамблеясының мүшесі, академик Е. А. Бөкетов атындағы Қарағанды университетінің ректоры, заң ғылымдарының докторы, профессор Дулатбеков Нұрлан Орынбасарұлы сөз сөйлеп, ЖОО-ның Қазақстан халқы Ассамблеясымен бірлескен қызметі туралы айтты.
Қарағанды облыстық Қазақстан халқы Ассамблеясы Ақсақалдар кеңесінің мүшесі Георгий Георгиевич Прокоп Қарағанды өңірінің тәжірибесі негізінде «Адал азамат» жобасын іске асырудың маңыздылығын атап өтіп, оны барлық қала мен аудандарда тарату туралы ұсыныс айтты.
Ассамблея мүшесі, «Qarmet» АҚ Бас директоры Басин Вадим Борисович өнеркәсіптік кәсіпорынның этномәдени бірлестіктермен өзара іс-қимылы туралы айтып, «Qarmet» АҚ Достық үйін ашу жоспарларымен бөлісті.
Өңірдің ҚХА Аналар кеңесінің жүргізіп жатқан жұмысы, «Айналайын» және «Ақ орамал» жобаларын іске асыру туралы Ассамблеяның осы құрылымының төрағасы Қиясова Айжан Казимировна айтып берді. Қарағанды облысының әкімі Ермағанбет Бөлекпаев аталған жобаларды барлық қалалар мен аудандарда жүзеге асыруды тапсырды.
Қоғамдық келісімді қамтамасыз ету саласындағы жұмыстар жайлы Қарағанды облыстық мәслихатының «Бірлік» депутаттық тобының мүшесі Иван Владимирович Георгиади баяндама жасады.
Т.Г.Шевченко атындағы «Рідне слово» украин тілі облыстық қоғамының төрайымы Наталия Сергеевна Еременко мемлекеттік тілді дамытуға бағытталған этномәдени бірлестік жүзеге асырып жатқан жобалар туралы айттып, осы бағыттағы одан әрі жұмыс бойынша бірқатар ұсыныстар енгізді.
«NAMUS KZ» Әзірбайжан ұлттық мәдени орталығы» қоғамдық бірлестігінің мүшесі Бриллиант Алиева өңірлік ҚХА-ның жастар қанатының жұмысы мен журналистер клубының жұмысы жайлы баяндама жасады. Жүргізіліп жатқан ақпараттық жұмыстың сапасын арттыру бойынша бірқатар ұсыныстар енгізді.
