2025 жылғы 28 мамырда Қарағанды облысында Қазақстан Республикасы Президентінің кеңесшісі Мәлік Нұржанұлы Отарбаевтың Қазақстан халқы Ассамблеясы мүшелерімен және Қарағанды облысындағы діни бірлестіктер клубының өкілдерімен кездесуі өтті.
Кездесуді Қарағанды облысы әкімінің орынбасары Әлібек Үсенұлы Әлденей жүргізді.
Іс-шара барысында Мемлекет басшысының IV Ұлттық құрылтай отырысы мен ҚХА ХХХІV сессиясында берген тапсырмаларын орындау мәселелері талқыланды.
Кездесуде облыстық ҚХА Аналар кеңесінің төрағасы Айжан Казимирқызы Қиясова және ҚХА ғылыми-сараптамалық тобының жетекшісі Вилен Борисович Молотов-Лучанский, Діни бірлестіктер клубының жетекшісі Дмитрий Сергеевич Полтаренко баяндама жасады.
Кездесуді қорытындылай келе, Мәлік Нұржанұлы Отарбаев ел дамуы үшін тұрақтылық, ішкі келісім және өзара құрметтің маңыздылығын атап өтті.
Бұл – мемлекет пен қоғам арасындағы сенімді байланысты нығайтуға бағытталған маңызды қадам.
