Халықаралық әйелдер күні қарсаңында Қарағанды облысы әкімінің орынбасары – облыстық Қазақстан халқы Ассамблеясы төрағасының орынбасары Әлібек Әлденей өңірдегі Қазақстан халқы Ассамблеясының әйелдер өкілдерімен кездесті.
Кездесуге этномәдени бірлестіктердің жетекшілері мен белсенділері, сондай-ақ Ассамблея құрылымдарының мүшелері қатысты. Іс-шара қоғамдағы қоғамдық келісімді нығайтуға, ұлтаралық диалогты дамытуға және рухани-адамгершілік құндылықтарды сақтауға елеулі үлес қосып жүрген әйелдерге алғыс білдіретін алаңға айналды.
Өз сөзінде Әлібек Әлденей өңірдің қоғамдық өміріндегі әйелдердің ерекше рөлін атап өтіп, олардың белсенді азаматтық ұстанымын, әлеуметтік жобаларға, қайырымдылық және ағартушылық бастамаларға белсене қатысып жүргенін айтты. Оның сөзінше, Ассамблеядағы әйелдер даналықтың, жауапкершіліктің және жасампаз энергияның үлгісі болып, қоғамдағы бірлік пен тұрақтылықты нығайтуға үлес қосып келеді.
Кездесу барысында Қазақстан Республикасының жаңа Конституциясы жобасы және алдағы референдум бойынша ерекше назар аударылды. Азаматтардың, оның ішінде әйелдердің қоғамдық-саяси үдерістерге белсенді қатысуы елдің әрі қарай дамуының маңызды шарты екені атап өтілді.
Кездесу соңында облыс әкімінің орынбасары қатысушыларды келе жатқан мерекемен құттықтап, оларға зор денсаулық, амандық, отбасылық бақыт және қоғамдық қызметте жаңа табыстар тіледі. Сондай-ақ олардың еңбегіне, даналығына және қоғамдағы бейбітшілік пен келісімді, бірлікті нығайтуға қосқан үлесіне ризашылығын білдірді.
