Ғылыми-сараптамалық топтың жетекшісі: Молотов-Лучанский Вилен Борисович — медицина ғылымдарының докторы, профессор.ҒСТ-ның сапалық құрамына барлығы 20 ғалым кіреді: оның ішінде ғылым докторлары — 4, ғылым кандидаттары — 11, ғылым магистрлері — 5.
Ғылыми-сараптамалық топтың негізгі міндеті – еліміздегі әлеуметтік-экономикалық, саяси және рухани жаңғыру үдерістерінде Қазақстан Республикасы Президентінің бастамалары мен мемлекеттік саясатын қолдау және осы бағыттағы іс-шараларды өткізу мен оған қатысу арқылы жүзеге асыру.
Қарағанды облысы ҚХА Ғылыми-сараптамалық бағытының негізгі жобалары:
• Облыстық ҚХА ҒСТ мүшелерінің сараптамалық кездесулері;
• «Тарихтан тағылым – өткенге тағзым» жобасы;
• Қазақстан халқы Ассамблеясының «Елтану» тарихи-танымдық экспедициясы;
«Бейбітшілік пен келісім жолында» жобасын іске асыру;
• Мемлекеттік тілді еркін меңгерген этномәдени бірлестіктер өкілдерінің қатысуымен өтетін «Ұлы даланың — ұлтаралық тілі» форумы.
ҒСТ құрамындағы сарапшылардан мемлекеттік саясат пен Қазақстан Республикасы Президентінің әлеуметтік-экономикалық және саяси реформалары, сондай-ақ қоғамдық келісім мен жалпыұлттық бірлікті ілгерілету бағытындағы бастамаларын түсіндіру мақсатында ақпараттық-насихат тобы жасақталды.
Ғылыми-сараптамалық топтың мүшелері жыл сайын зерттеу жұмыстарын жүргізіп, ғылыми еңбектер жариялайды.