Аталған конкурс Қазақстан халқы Ассамблеясының 30 жылдығына арналды және қоғамдағы бірлік, ұрпақтар сабақтастығы мен жастардың адамгершілік тәрбиесін нығайту ісіне маңызды үлес қосты. Іс-шараның құрметті қонағы – Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның мүшесі, Қазақстан халқы Ассамблеясының Республикалық Аналар кеңесінің төрайымы Назипа Ыдырысқызы Шанаи болды. Сондай-ақ шараға Қарағанды облыстық мәслихатының төрағасы, «Бірлік» депутаттық тобының жетекшісі Нүркен Сайфиддинұлы Қобжанов және Қарағанды облысы әкімінің орынбасары Ораз Қайсаұлы Таурбеков қатысты. Конкурс қорытындысы бойынша жеңімпаздар төмендегідей анықталды:
«Алтын шаңырақ» номинациясы – Ақтоғай ауданынан Мұқашевтар отбасы;
«Күміс кереге» номинациясы – Нұра ауданынан Мұқаналиевтер отбасы;
«Азамат тәрбиеленген отбасы» номинациясы – Балқаш қаласынан Алғамжановтар отбасы. Жеңімпаздарға дипломдар, естелік ленталар, фотоальбом және «Жосалы» шипажайында сауықтыру демалысына арналған сертификаттар табысталды.
