Наурызнама онкүндігі аясында 18 наурыз — Ұлттық киім күніне орай Қарағанды облысы Қазақстан халқы Ассамблеясының этномәдени бірлестіктері мен құрылымдарының дизайнерлері дайындаған этностильдегі сән көрсетілімі өтті.
Көрсетілім барысында көрермендерге ұлттық классикалық қазақ костюмдерінен бастап заманауи трендтегі casual, неофольклор және тіпті киберпанк бағыттарындағы сән үлгілері ұсынылды. Коллекциялар ұлттық дәстүрлер мен заманауи сән үрдістерінің үйлесімді байланысын көрсетті.
Шара соңында Қарағанды облысы ҚХА жанындағы Аналар кеңесінің мүшесі М.В. Шиллер сөз сөйлеп, дизайнерлер мен ұйымдастырушыларға алғыс білдірді. Сондай-ақ, Қарағанды облысы Ішкі саясат басқармасының «Қоғамдық келісім» КММ директоры Г.К. Касембаева дизайнерлерге алғыс хаттарын табыс етті.
Өз жұмыстарын көрермендерге көрсетті:
1.«Нұрасем» сән үйі (негізін қалаушы және директоры В.А.Исина, дизайнер-сәнгер Н.А.Рысқұлова) «Сәукеле» және «Сары-Арқа» классикалық ұлттық костюм топтамасымен.
2.Дизайнер А.С.Ибраева «AQ_MARAL» топтамасымен.
3.Балқаш қаласынан келген зергерлік бұйымдар дизайнері, «Шебер» ҚБ шебері О.В.Потапова «Герданы» этно-суретімен бисерден жасалған кеудеге арналған әшекейлер топтамасымен.
4.«Шебер» ҚБ киізбен жұмыс істеу шебері Р.Б.Адакова «Нәзік Шұғыла» киіз коллекциясымен.
5.Теміртау қаласынан келген «Шебер» ҚБ киім дизайнері Е.Н.Кудреватых нео-фольклор стиліндегі ұлттық қазақ шапанының стилизациясымен «Арабика» коллекциясымен.
6.Дизайнер, суретші, фотограф, «Шебер» ҚБ сәндік-қолданбалы өнер шебері М.К.Барханоев неофольк-киберпанк стиліндегі заманауи «Петроглифтер» коллекциясымен.
