«Наурызнама» онкүндігі аясында 16 наурыз – «Шаңырақ күніне» — орай Қазақстан халқы Ассамблеясының (ҚХА) мүшелері іс-шара ұйымдастырды.
Қарағанды облысы ҚХА мүшелері, ҚХА жанындағы Аналар кеңесі мүшелері және «Қоғамдық келісім» КММ қызметкерлері перзентханаларға барып, осы күні дүниеге келген сәбилердің аналарын құттықтап арнайы сыйлықтар табыс етті.
Шаңырақ күні аясында Қарағанды қаласында үш перзентхана қамтылды:
№1 Перинаталдық орталықта
сәбиін «Шаңырақ күні» дүниеге әкелген Зухра Сайлаукенованы Қарағанды облысы әкімі аппаратының бас инспекторы Г.С. Рымбекова және «Шешен-ингуш» ЭМБ төрағасы У. Х. Джанаев құттықтап сыйлықтарын ұсынды.
№2 перинаталды орталықта сәбиін дүниеге әкелген Майгүл Амантайды
Қарағанды облыстық «Неміс орталығы “Видергебурт”» қоғамының төрағасы А. Н. Гиберт, ҚХА жанындағы Аналар кеңесінің мүшесі М.С. Платонова және Қарағанды облысы ІСБ “Қоғамдық келісім” КММ директоры Г. Қ. Касембаева құттықтап тілектерін білдірді.
Аймақтық акушерлік-гинекологиялық орталықта (РАГЦ) Аяулым Маратоваға
Қарағанды облысы ҚХА «Намус.kz» Әзірбайжан ұлттық-мәдени орталығының төрағасы Рзаев Гюлага, ҚХА жанындағы «Аналар кеңесінің» мүшесі М.В. Шиллер, Қарағанды облысы ІСБ “Қоғамдық келісім” КММ директоры Г. Қ. Касембаева ҚХА атынан сыйлықтарын ұсынып, жас анаға жүрекжарды тілектерін жеткізді.
Шаңырақ – тұрақтылық пен сабақтастықтың символы.
Қазақ дәстүрінде шаңырақ – отбасы құндылықтарын, қорғанысты, өзара көмекті және ел бірлігін білдіреді.
Бұл күн – Қазақстан азаматтығы этностық ұғымнан биік тұратынын айшықтайды. Біз бір халық, бір қоғам, бір елміз.
«Шаңырақ күні» қазақстандық болу – саналы таңдау екенін, ел мүддесін бәрінен биік қою, мемлекеттің дамуына үлес қосу және оның құндылықтарын құрметтеу екенін түйсіндіруге арналған
