Бүгін Қарағанды қаласы Достық үйінің алаңында «Төрлет, Наурыз, төріме!» атты мерекелік іс-шара өтті.
Алаңда ұлттық нақыштағы киіз үйлер тігіліп, этноауыл бой көтерді. Қолөнер шеберлерінің көрмесі, мерекелік жәрмеңке де ұйымдастырылып, тұрғындарға ерекше мерекелік көңіл сыйлады.
Қарағандылықтарды Ұлыстың ұлы күнімен Қазыбек би ауданы әкімінің орынбасары Ринат Қаржасбаев, ардагерлер кеңесінің төрағалары Озибек Бимендин мен Тілеубек Камалиев, қалалық мәслихат депутаты Төлеген Әшімов құттықтады.
Сахнада түрлі этномәдени бірлестіктердің шығармашылық ұжымдары мен жеке орындаушылары өнер көрсетті. Сонымен қатар, арқан тарту, салмақ көтеру, қошқар көтеру сияқты ұлттық спорт түрлерінен жарыстар ұйымдастырылып, нағыз мерекелік атмосфера орнады!
Ұлыстың ұлы күні әр шаңыраққа құт-береке, ырыс-несібе әкелсін!
